Petruk Duta
Kacarita Prabu Bomanakasura,
putrane Prabu Kresna, kepengin bisa dadi sanapatine Pandhawa ana ing perang
Baratayuda.
Awit saka iku panjenengane banjur matur marang Prabu Kresna,
kepriye carane supaya kekarepane iku kasembadan.
Prabu Kresna karo Prabu Baladewa
banjur rembugan, golek akal. Ratu loro banjur padha nyamar dadi dewa, Prabu
Kresna dadi Bathara Indra, Prabu Baladewa nyamar dadi Bathara Brama.
Dewa palsu loro iku banjur
marani Gathutkaca ana ing Pringgodani, saperlu njaluk aji-ajine Gathutkaca,
Kotang Antrakusuma. Senajan abot atine, Gathutkaca manut lan Kotang Antrakusuma
dicaosaken marang dewa palsu iku.
Kocapa sareng Begawan Abiyasa
midhanget menawi wayahe kena musibah, panjengane krasa ora sreg penggalihe,
geneya ana dewa kok jaluk aji-ajine Gathutkaca. Begawan Abiyasa banjur ndhawuhi
anak-anake Semar supaya nglacak, satemene dewa loro iku sapa. Sing didhawuhi
Petruk, Gareng, lan Barong kudu nyamar. Petruk dadi Prabu Baladewa, Gareng dadi
Prabu Kresna, lan Bagong dadi Patih Pragota, patihe Prabu Baladewa.
Kacarita Prabu Kresna lan Prabu
Baladewa bareng kasil njaluk Kotang Antrakusuma terus nemoni putrane, saprelu
maringake Kotang Antrakusuma marang Prabu Bomanarakusura.
Gathutkaca sing atine kegelan
amarga aji-ajine dipundhut dewa, banjur nyamar kaya punakawan. Gathutkaca
nyamar dadi Bomanarakasura, terus tindak Trajutrisna. Prabu Bomanarakasura
palsu ngendika marang prajurit, yen Gathutkaca sejatine mungsuhe, awit
ngalang-alangi anggone dadi senapati. Mula saka iku, yen samangsa-mangsa
Gathutkaca teka, kudu dipilara kareben kapok.
Ora let suwe, Gathutkaca palsi
teka ana ing Trajutrisna. Para prajurit wis padha siyaga, Gathutkaca palsu
dipilara nganti babak belur, banjur
mlayu sowan ramane menyang Dwarawati.
Kocapa, Gareng, Petruk, lan
Bagong bareng wis padha nyamar dadi Prabu Kresna, Prabu Baladewa, lan Patih
Pragota banjur menyang Dwarawati, ditutake para Pandhawa. Ana ing Dwarawati
dadi geger awit ana ratu dhobel.
Wusanane Prabu Kresna
ngrungmasani luput, banjur dhawuh marang putrane supaya Kotang Antrakusuma
dibalekake marang Gathutkaca. Prabu Kresna nyuwun ngapura marang Gathutkaca
apadene para Pandhawa.
Tidak ada komentar:
Posting Komentar